Kumpulan Syairan Sunda

Yasana: Amélya Nur Fitri

Munggaran anjeun pujaan
Kiwari mah janten mantan
Sabab anjeun nu mutuskeun
Hubungan rék dibubarkeun

Tapi jujur tina ati
Sim abdi can bisa nampi
Kaputusan ti salira
Megatkeun tali kacinta

Tapi najan teu ngajadi
Urang teu bisa ngahiji
Bayang anu sok ngahadang
Tapak cinta henteu ilang

Masih aya tapak cinta
Nu ngagurat dina rasa
Masih dina jero dada
Tapak cinta ti manéhna

Hésé pisan rék narima
Datang cinta nu lianna
Ku pédah kabayang waé
Anjeunna masih na haté

Kabayang imut rarayna
Kukupingeun na sorana
Ngolébat waé teuteupna
Seurina reujeung baeudna.

#Sajawa_Syairan_ANF.