Saniskara Sastra Sunda
Pedaran dipikareueus
-
Karya: Fahmy Sya'idan Ringkesna ieu nadhoman Carita lampah sorangan Sapanjang jalan ngalaman Pait peuheur kahirupan Bismillah mimiti muj...
-
Karya: Fahmy Sya'idan Dikawitan ku Bismillah Nadhom Sunda muga berkah Munggaran urang palapah Sholawat sugan ijabah Ninggang mangsa nu s...
-
Yasana: Dhee Al'ihsaniyahh Ma'rifatull Aulaa Kawit ngucap bismillahi Puji sukur ka Ilaahi Gusti Allah Mahasuci Pamilik langit j...
Pedaran Blog
Ngeunaan Sim Kuring
Diberdayakan oleh Blogger.
Rabu, 02 Agustus 2017
Yasana: Luqman Al Hakim
Bapa teu kudu ditanya
Apal kumaha budakna
Komo teuing ka salira
Jiga rada anu béda
Nu bapa dipikanyaho
Hidep budak nu bacéo
Sugan wé isuk pagéto
Silaing ahli pidato
Bapa mah jalma teu bisa
Ngan ukur rék méré béja
Mun ngomong kudu jeung enya
Ulah ditambah ku dusta
Jeung lamun hidep geus apal
Terapkeun élmu ku amal
Lain jadi bahan némbal
Pikeun ruang loba ngakal
Jeung ulah ngundang pidebat
Ka batur komo ka sobat
Da moal ngajadi hébat
Nu aya jadi pamegat
Talatah bapa katampi
Janten émutan sim abdi
Pikeun léngkahing kiwari
Rada paur ati-ati
Talatah anu ti bapa
Nu tangtos ngajanten du'a
Mung kuring nu loba dosa
Nyatana teu nepi dinya
Kolot anu omat-omat
Ngarep budak bisa hanjat
Lain hanjat cilingcingcat
Mung kudu ngangkat darajat
Kuring pinuh kakurangan
Taya daya kakiatan
Anging Gusti Sang Pangéran
Anu agung anu héman.
#Sajawa_Syairan_LAH.
Bapa teu kudu ditanya
Apal kumaha budakna
Komo teuing ka salira
Jiga rada anu béda
Nu bapa dipikanyaho
Hidep budak nu bacéo
Sugan wé isuk pagéto
Silaing ahli pidato
Bapa mah jalma teu bisa
Ngan ukur rék méré béja
Mun ngomong kudu jeung enya
Ulah ditambah ku dusta
Jeung lamun hidep geus apal
Terapkeun élmu ku amal
Lain jadi bahan némbal
Pikeun ruang loba ngakal
Jeung ulah ngundang pidebat
Ka batur komo ka sobat
Da moal ngajadi hébat
Nu aya jadi pamegat
Talatah bapa katampi
Janten émutan sim abdi
Pikeun léngkahing kiwari
Rada paur ati-ati
Talatah anu ti bapa
Nu tangtos ngajanten du'a
Mung kuring nu loba dosa
Nyatana teu nepi dinya
Kolot anu omat-omat
Ngarep budak bisa hanjat
Lain hanjat cilingcingcat
Mung kudu ngangkat darajat
Kuring pinuh kakurangan
Taya daya kakiatan
Anging Gusti Sang Pangéran
Anu agung anu héman.
#Sajawa_Syairan_LAH.
Jejer:
Pépéling
|
0
koméntar
Selasa, 01 Agustus 2017
Yasana: Kidangtlangkas
Hé dulur nu saagami
Husus ka kaum adami
Saurna ri poligami
Éta anjuran ti nabi
Mung cobi urang tengetan
Anu janten paniatan
Naha ngiring pasunahan
Atanapi napsu sétan
Lamun seug ditafakuran
Poligami teu nyalahan
Mung niat jeung patékadan
Teu nyumpon jeung pasunahan
Margi sarat poligami
Adil éta anu pasti
Ulah dugi nganyenyeri
Ka sadaya pihak istri
Pami tetep nganiatan
Hoyong ngalap pasunahan
Mangga tenget kawajiban
Anu kedah dicumponan
Hiji ngimahan sing pageuh
Dua ngélmuan sing keukeuh
Tilu maraban sing suebeuh
Opat makéan nu weuteuh
Meutingan dugi ka reuneuh
Éta nu janten paneuteuh
Poma ulah badé keukeuh
Hoyong nikah anu seubeh
Naha éta tos nyumponan
Nu mangrupi kawajiban
Keur pameget teu nyalahan
Sangkan janten palajaran.
#Sajawa_Syairan_Kidangtlangkas.
Hé dulur nu saagami
Husus ka kaum adami
Saurna ri poligami
Éta anjuran ti nabi
Mung cobi urang tengetan
Anu janten paniatan
Naha ngiring pasunahan
Atanapi napsu sétan
Lamun seug ditafakuran
Poligami teu nyalahan
Mung niat jeung patékadan
Teu nyumpon jeung pasunahan
Margi sarat poligami
Adil éta anu pasti
Ulah dugi nganyenyeri
Ka sadaya pihak istri
Pami tetep nganiatan
Hoyong ngalap pasunahan
Mangga tenget kawajiban
Anu kedah dicumponan
Hiji ngimahan sing pageuh
Dua ngélmuan sing keukeuh
Tilu maraban sing suebeuh
Opat makéan nu weuteuh
Meutingan dugi ka reuneuh
Éta nu janten paneuteuh
Poma ulah badé keukeuh
Hoyong nikah anu seubeh
Naha éta tos nyumponan
Nu mangrupi kawajiban
Keur pameget teu nyalahan
Sangkan janten palajaran.
#Sajawa_Syairan_Kidangtlangkas.
Jejer:
Pépéling
|
0
koméntar
Yasana: Dadali Manting
Tradisi budaya nagri
Kiwari ampir pahili
Bongan saha teu dijagi
Kana papatah kamari
Lain ku ngiblatna salah
Tapi dina lakulampah
Da geuning unggal ngaléngkah
Mémper budaya Éropah
Bukti ajén nu sajati
Ditukil weléh kaciri
Nya kitu lamun kiwari
Sakumna laas kauji
Asa teuing ku teuingeun
Loba anu marareungpeun
Peun ulah dianggep kajeun
Bisi kalah pipilueun
Poma urang jeung pamuda
Tuduhkeun citrana Sunda
Mana Sunda jeung lianna
Dalah lain Malaysia.
#Sajawa_Syairan_Linting.
Tradisi budaya nagri
Kiwari ampir pahili
Bongan saha teu dijagi
Kana papatah kamari
Lain ku ngiblatna salah
Tapi dina lakulampah
Da geuning unggal ngaléngkah
Mémper budaya Éropah
Bukti ajén nu sajati
Ditukil weléh kaciri
Nya kitu lamun kiwari
Sakumna laas kauji
Asa teuing ku teuingeun
Loba anu marareungpeun
Peun ulah dianggep kajeun
Bisi kalah pipilueun
Poma urang jeung pamuda
Tuduhkeun citrana Sunda
Mana Sunda jeung lianna
Dalah lain Malaysia.
#Sajawa_Syairan_Linting.
Jejer:
Budaya
|
0
koméntar
Ku: Mahmud
Teu karaos umur ningan
Hirup enggeus kalakonan
Poé ka Minggu ka bulan
Ka taun geus kaliwatan
Wanci nu ngiclik marengan
Kana jejer kahirupan
Léngkah mangsa nu ngéngklakan
Sagala nu karandapan
Waktu nu mangprung ku napsu
Ngahuru ngalimpud kalbu
Balangah panempo silo
Kana ugeran mah poho
Ari ras umur dirérét
Geuningan wanci samporét
Naha anteng teuteuleuman
Di sagara kanistaan
Kiwari nunggelis diri
Mipir kasisir karisi
Ngalengis merdih ka Gusti
AsihNa nu dipianti
Dosa nu kalintang réa
Abdi neda pangampura
Nyuuh kana pangsujudan
Nyegruk mundut pangampunan
#Sajawa_Syairan_Mahmud.
Teu karaos umur ningan
Hirup enggeus kalakonan
Poé ka Minggu ka bulan
Ka taun geus kaliwatan
Wanci nu ngiclik marengan
Kana jejer kahirupan
Léngkah mangsa nu ngéngklakan
Sagala nu karandapan
Waktu nu mangprung ku napsu
Ngahuru ngalimpud kalbu
Balangah panempo silo
Kana ugeran mah poho
Ari ras umur dirérét
Geuningan wanci samporét
Naha anteng teuteuleuman
Di sagara kanistaan
Kiwari nunggelis diri
Mipir kasisir karisi
Ngalengis merdih ka Gusti
AsihNa nu dipianti
Dosa nu kalintang réa
Abdi neda pangampura
Nyuuh kana pangsujudan
Nyegruk mundut pangampunan
#Sajawa_Syairan_Mahmud.
Jejer:
Pépéling
|
0
koméntar
Yasana: Ukhty Sinjang Kayas
Cimata ngeclak teu rasa
Duh Gusti ieu kumaha
Sesah ngabangbalérkeunna
Nalangsa asa karasa
Aduh umi-aduh bapa
Milari landong ka mana
Hirup asa katunggara
Tebih ti umi jeung bapa
Hirup di pangumbaraan
Taya pisan réréncangan
Pikeun ubar panglamunan
Dina unggal kasedihan
Jauh nu janten baraya
Ukur mundut dina du'a
Haleuang tangtu nalangsa
Masrahkeun ka Nu Kawasa
Mugi sim abdi diraksa
Tina sagala cocoba
Nu teu bisa nandanganna
Timundut ka Nu Kawasa
Ya Allah Robul Izzati
Mugi diri henteu lali
Tina sadaya pangarti
Nu kungsi diatik umi
Mung tiasa ngintun du'a
Kanggo umi sareng bapa
Mugi aya pangraksana
Ti Allah Anu Kawasa
#Sajawa_Syairan_USK.
Cimata ngeclak teu rasa
Duh Gusti ieu kumaha
Sesah ngabangbalérkeunna
Nalangsa asa karasa
Aduh umi-aduh bapa
Milari landong ka mana
Hirup asa katunggara
Tebih ti umi jeung bapa
Hirup di pangumbaraan
Taya pisan réréncangan
Pikeun ubar panglamunan
Dina unggal kasedihan
Jauh nu janten baraya
Ukur mundut dina du'a
Haleuang tangtu nalangsa
Masrahkeun ka Nu Kawasa
Mugi sim abdi diraksa
Tina sagala cocoba
Nu teu bisa nandanganna
Timundut ka Nu Kawasa
Ya Allah Robul Izzati
Mugi diri henteu lali
Tina sadaya pangarti
Nu kungsi diatik umi
Mung tiasa ngintun du'a
Kanggo umi sareng bapa
Mugi aya pangraksana
Ti Allah Anu Kawasa
#Sajawa_Syairan_USK.
Jejer:
Pépéling
|
0
koméntar
Yasana: Ummah Hasna
Salam santun parawargi
Ibu, bapa, aki, nini
Pamuda sareng pamudi
Sim kuring nyuhunkeun widi
Sareng nyuhunkeun hapunten
Maksad badé ngadéndangkeun
Sawér sok mangga regepkeun
Ku sadaya darangukeun
Sawér kanggo panganténan
Nu parantos dirapalan
Calik di payun duaan
Badé mapag sosonoan
Piwuruk nu kahijina
Kanggo pangantén istrina
Hidep mulai ti ayeuna
Janten ibu rumah tangga
Masing inget kawajiban
Anu kedah dilakonan
Nurut kana paréntahan
Carogé jadi panutan
Ku sabab ridona Gusti
Rido nu jadi salaki
Bari turut sareng pasti
Aya dina hukum Gusti
Ngan mun salaki maréntah
Aya dina jalan salah
Hukum agama gagabah
Nurutna éta mah ulah
Conto nyaram nutup orat
Jeung nyaramna kana solat
Farduna sina kaliwat
Iwal nu hukumna sunat
Upami carogé dongkap
Énggal hidep geura cengkat
Sambut carogé sing hébat
Sanajan teu nyandak berkat
Mun ningal carogé hayang
Ngajak hidep kana ranjang
Wayahna ulah ngabangkang
Najan keur teu aya uang.
#Sajawa_Syairan_UH.
Salam santun parawargi
Ibu, bapa, aki, nini
Pamuda sareng pamudi
Sim kuring nyuhunkeun widi
Sareng nyuhunkeun hapunten
Maksad badé ngadéndangkeun
Sawér sok mangga regepkeun
Ku sadaya darangukeun
Sawér kanggo panganténan
Nu parantos dirapalan
Calik di payun duaan
Badé mapag sosonoan
Piwuruk nu kahijina
Kanggo pangantén istrina
Hidep mulai ti ayeuna
Janten ibu rumah tangga
Masing inget kawajiban
Anu kedah dilakonan
Nurut kana paréntahan
Carogé jadi panutan
Ku sabab ridona Gusti
Rido nu jadi salaki
Bari turut sareng pasti
Aya dina hukum Gusti
Ngan mun salaki maréntah
Aya dina jalan salah
Hukum agama gagabah
Nurutna éta mah ulah
Conto nyaram nutup orat
Jeung nyaramna kana solat
Farduna sina kaliwat
Iwal nu hukumna sunat
Upami carogé dongkap
Énggal hidep geura cengkat
Sambut carogé sing hébat
Sanajan teu nyandak berkat
Mun ningal carogé hayang
Ngajak hidep kana ranjang
Wayahna ulah ngabangkang
Najan keur teu aya uang.
#Sajawa_Syairan_UH.
Jejer:
Budaya
|
0
koméntar
Yasana: Muttaqi Al-fariq
Harkat nu moal tibelat
Lain dina pangkat ningrat
Nyingraykeun kaom rahayat
Ku jalan nu mungguh lepat
Aya hiji tatanggeuhan
Di dunya pangumbaraan
Jiwana dilampat iman
Tukang anu tuduh jalan
Najan lian kawas raja
Nanging moal jadi hina
Hakékat angger jatnika
Mulya dina mungguh Sara
Kagungan budi parangi
Ramah tamah ka sasami
Nya kitu damelna ngaji
Dina saban-saban wanci
Harkatna satungtung deuleu
Kongas jalma tingeuyeumbeu
Nompokeun caang pameunteu
Ka sakur anu ngareungeu
Saha nu dianti-anti
Ti munggaran ngedal mangsi
Kamashur aranna santri
Ahli dina widang aji
Sanajan enya ceuk warga
Santri mah purah nyawala
Bari heureuy karesepna
Da éta tamba kasiksa
Lamun diwakca balaka
Ti para-kaom-santrina
Éstu pinuh ku cocoba
Ngalap barokah Mantenna
Tapi teu jadi ékolan
Sabab ku sakadang sétan
Seja ngalap kapinteran
Tur ngabuang kabodoan.
#Sajawa_Syairan_Muttafar.
Harkat nu moal tibelat
Lain dina pangkat ningrat
Nyingraykeun kaom rahayat
Ku jalan nu mungguh lepat
Aya hiji tatanggeuhan
Di dunya pangumbaraan
Jiwana dilampat iman
Tukang anu tuduh jalan
Najan lian kawas raja
Nanging moal jadi hina
Hakékat angger jatnika
Mulya dina mungguh Sara
Kagungan budi parangi
Ramah tamah ka sasami
Nya kitu damelna ngaji
Dina saban-saban wanci
Harkatna satungtung deuleu
Kongas jalma tingeuyeumbeu
Nompokeun caang pameunteu
Ka sakur anu ngareungeu
Saha nu dianti-anti
Ti munggaran ngedal mangsi
Kamashur aranna santri
Ahli dina widang aji
Sanajan enya ceuk warga
Santri mah purah nyawala
Bari heureuy karesepna
Da éta tamba kasiksa
Lamun diwakca balaka
Ti para-kaom-santrina
Éstu pinuh ku cocoba
Ngalap barokah Mantenna
Tapi teu jadi ékolan
Sabab ku sakadang sétan
Seja ngalap kapinteran
Tur ngabuang kabodoan.
#Sajawa_Syairan_Muttafar.
Jejer:
Budaya
|
0
koméntar
Yasana: Fahmy Sya'idan As-syarqi
Umi bapa moal belik
Ngurus kuring ti leuleutik
Najan henteu kapimilik
Bagja nanging moal nampik
Ti barang gubrag ka dunya
Kanyaah taya hinggana
Ngabengkang tadah karunya
Jangjina muhal sulaya
Aya hiji pananggeuhan
Geusan hiji kabagjaan
Nincak ngahambal-hambalan
Nyorang sabar tur cobaan
Jeun teuing awakna tompér
Tuluy ngabéla ngalélér
Nepi ka nyanghulu kalér
Kanyaahna angger gégér
Omongna kawas titipan
Teu prak harita katampan
Geuning ahir mah nungkulan
Nyukang katalangsaraan
Kaduhung mah gurunggusuh
Lamun di tungtung rumahuh
Mimiti mah lungguh timpuh
Kiwari kalampat jauh
Paésan jadi kedalan
Tempat pikeun pangbalikan
Nandangan sipatna insan
Nu pinuh kanalangsaan
Hampura saujung rambut
Rumasa hirup teu nurut
Prak datang titipan maut
Bisi aya anu nungtut
Ka sakumna lalakuan
Basa di pangumbaraan
Katohyan tukang ngalawan
Di salebak nya siksaan.
#Sajawa_Syairan_FSA .
Umi bapa moal belik
Ngurus kuring ti leuleutik
Najan henteu kapimilik
Bagja nanging moal nampik
Ti barang gubrag ka dunya
Kanyaah taya hinggana
Ngabengkang tadah karunya
Jangjina muhal sulaya
Aya hiji pananggeuhan
Geusan hiji kabagjaan
Nincak ngahambal-hambalan
Nyorang sabar tur cobaan
Jeun teuing awakna tompér
Tuluy ngabéla ngalélér
Nepi ka nyanghulu kalér
Kanyaahna angger gégér
Omongna kawas titipan
Teu prak harita katampan
Geuning ahir mah nungkulan
Nyukang katalangsaraan
Kaduhung mah gurunggusuh
Lamun di tungtung rumahuh
Mimiti mah lungguh timpuh
Kiwari kalampat jauh
Paésan jadi kedalan
Tempat pikeun pangbalikan
Nandangan sipatna insan
Nu pinuh kanalangsaan
Hampura saujung rambut
Rumasa hirup teu nurut
Prak datang titipan maut
Bisi aya anu nungtut
Ka sakumna lalakuan
Basa di pangumbaraan
Katohyan tukang ngalawan
Di salebak nya siksaan.
#Sajawa_Syairan_FSA .
Jejer:
Pépéling
|
0
koméntar
Yasana: Raka
Nitih wanci nu mustari
Ninggang kana ieu wanci
Abdi baris ngitung diri
Anu seueur pisan lali
Hirup asa sedih ati
Ngarumasa hirup sepi
Nu suda tina pangarti
Pamohalan tingkah ngaci
Ninggang mangsa nu sampurna
Raksa diri tina dosa
Nu hirup loba terléna
Poho urusan agama
Mun ngémut jeung ditaliti
Tanggung jawab keur lalaki
Éta beurat atos pasti
Kedah ngaraksa kluargi
Sabab lalaki pingpinan
Nu kudu bisa nyontoan
Dina widang kahadéan
Nu utama nganapkahan
Mun sanés patokan Gusti
Hirup kedah lakirabi
Abdi banget pisan wedi
Sieun ku anceman Gusti
Nyata pisan keur lalaki
Anu ngantep anak istri
Teu apal kana agami
Ukur nguruskeun matéri
Sakur hirup hayang genah
Ngalap rijki anu ceuyah
Henteu nilik lakulampah
Hayang meunang mardhotilah
Sok sanajan abdi surti
Nu hirup kirang matéri
Seueur pisan ku cocobi
Nu kadang patali lali
Lamun ieu kadar diri
Nyata atos taqdir Gusti
Abdi pasti bakal nampi
Bari iklas dina ati
Mun saréat kirang kelar
Nu kurang dina ihtiar
Mugia rijki sing lancar
Seueur berkah jeung sumibar
Ieu sya'ir mépélingan
Husus keur abdi sorangan
Anu seueur kalepatan
Dina jalan kahirupan
#Sajawa_Syairan_Raka.
Nitih wanci nu mustari
Ninggang kana ieu wanci
Abdi baris ngitung diri
Anu seueur pisan lali
Hirup asa sedih ati
Ngarumasa hirup sepi
Nu suda tina pangarti
Pamohalan tingkah ngaci
Ninggang mangsa nu sampurna
Raksa diri tina dosa
Nu hirup loba terléna
Poho urusan agama
Mun ngémut jeung ditaliti
Tanggung jawab keur lalaki
Éta beurat atos pasti
Kedah ngaraksa kluargi
Sabab lalaki pingpinan
Nu kudu bisa nyontoan
Dina widang kahadéan
Nu utama nganapkahan
Mun sanés patokan Gusti
Hirup kedah lakirabi
Abdi banget pisan wedi
Sieun ku anceman Gusti
Nyata pisan keur lalaki
Anu ngantep anak istri
Teu apal kana agami
Ukur nguruskeun matéri
Sakur hirup hayang genah
Ngalap rijki anu ceuyah
Henteu nilik lakulampah
Hayang meunang mardhotilah
Sok sanajan abdi surti
Nu hirup kirang matéri
Seueur pisan ku cocobi
Nu kadang patali lali
Lamun ieu kadar diri
Nyata atos taqdir Gusti
Abdi pasti bakal nampi
Bari iklas dina ati
Mun saréat kirang kelar
Nu kurang dina ihtiar
Mugia rijki sing lancar
Seueur berkah jeung sumibar
Ieu sya'ir mépélingan
Husus keur abdi sorangan
Anu seueur kalepatan
Dina jalan kahirupan
#Sajawa_Syairan_Raka.
Jejer:
Pépéling
|
0
koméntar
Yasana: Umdah Muawwanah Al-fath
Ieu hujan meni gedé
Soca asa palay saré
Émut papatah bébéné
Montong sok saré ka soré
Datang wanci haneut moyan
Soca rajeun tunduh pisan
Teu sadar sok kasaréan
Umi nakol tur nyarékan
Ciri umi karunyaeun
Da mémangna gé genaheun
Ulah sok dibiasakeun
Béjana mah sok konéngeun
Dina lawang ngadadago
Tuluy bapa ngagegero
Ulah sok diuk na panto
Béjana sok heureut jodo
Aduh aya-aya waé
Pantrangan pikeun awéwé
Papatah kudu didéngé
Ulah sok nganggap sepélé.
#Sajawa_Syairan_UMA.
Ieu hujan meni gedé
Soca asa palay saré
Émut papatah bébéné
Montong sok saré ka soré
Datang wanci haneut moyan
Soca rajeun tunduh pisan
Teu sadar sok kasaréan
Umi nakol tur nyarékan
Ciri umi karunyaeun
Da mémangna gé genaheun
Ulah sok dibiasakeun
Béjana mah sok konéngeun
Dina lawang ngadadago
Tuluy bapa ngagegero
Ulah sok diuk na panto
Béjana sok heureut jodo
Aduh aya-aya waé
Pantrangan pikeun awéwé
Papatah kudu didéngé
Ulah sok nganggap sepélé.
#Sajawa_Syairan_UMA.
Jejer:
Pépéling
|
0
koméntar
Yasana: Bang Arshad Assundawi
Bismillaah janten wiwitan
Abdi ngadamel sya'iran
Ngedal kana peraosan
Anu nuju karandapan
Émut mangsa nu baheula
Waktos nuju jeung anjeunna
Istri nu geulis kacida
Anu ku abdi dicinta
Kacida pisan bingahna
Hubungan sareng anjeunna
Seueur tineungan saéna
Nu katineung salamina
Ayeuna kantun carita
Ayeuna kantun tapakna
Abdi kur bati nalangsa
Pami émut ka anjeunna
Moal bisa balik deui
Sabab tos lainna deui
Anjeuna gaduh lalaki
Abdi mah can gaduh istri
Nyeri abdi mémang nyeri
Dikantun ku éta istri
Taya béja ti mimiti
Badé miboga lalaki
Ukur bisa ngusap dada
Nyabarkeun kana waruga
Da teu bisa dikumaha
Mung pasrah ka Nu Kawasa
Pamugi ieu sim abdi
Sing kénging gentosna deui
Saurang istri sajati
Nu nyaaheun ka sim abdi.
#Sajawa_Syairan_BAS.
Bismillaah janten wiwitan
Abdi ngadamel sya'iran
Ngedal kana peraosan
Anu nuju karandapan
Émut mangsa nu baheula
Waktos nuju jeung anjeunna
Istri nu geulis kacida
Anu ku abdi dicinta
Kacida pisan bingahna
Hubungan sareng anjeunna
Seueur tineungan saéna
Nu katineung salamina
Ayeuna kantun carita
Ayeuna kantun tapakna
Abdi kur bati nalangsa
Pami émut ka anjeunna
Moal bisa balik deui
Sabab tos lainna deui
Anjeuna gaduh lalaki
Abdi mah can gaduh istri
Nyeri abdi mémang nyeri
Dikantun ku éta istri
Taya béja ti mimiti
Badé miboga lalaki
Ukur bisa ngusap dada
Nyabarkeun kana waruga
Da teu bisa dikumaha
Mung pasrah ka Nu Kawasa
Pamugi ieu sim abdi
Sing kénging gentosna deui
Saurang istri sajati
Nu nyaaheun ka sim abdi.
#Sajawa_Syairan_BAS.
Jejer:
Kayas
|
0
koméntar
Yasana: Dhee Al'ihsaniyahh Ma'rifatull Aulaa
Kawit ngucap bismillahi
Puji sukur ka Ilaahi
Gusti Allah Mahasuci
Pamilik langit jeung bumi
Solawat sinareng salam
Ka Nabi Khoirilanam
Jungjunan sadaya alam
Sumber élmu tur pamaham
Duh sukur alhamdulillah
Nandakeun rasa kabingah
Ni'mat Gusti anu èndah
Ngucur mijanten anugrah
Bingah taya Papadana
Masih dina panjang yuswa
Nepangkeun deui kaula
Kana raraga nu mulya
Teu langkung sakedap deui
Tos tepung ka bulan suci
Sasih Romadhon rék dugi
Nu banget dianti-anti
Mapagkeun sasih Romadhon
Mapay ka kalér ka kulon
Ngiparat dosa kaawon
Supados Tiasa jongjon
Lahaola wala kuwwah
Réhna medal dinten munggah
Mugi Gusti nambih rohmah
Supados getol ibadah
Sabab di bulan Puasa
Meujeuhna paloba-loba
Ibadah sinareng taqwa
Pahlana dilipatganda
Sakitu nu kapihatur
Seratan nu dipitutur,
Hapunten ka dulur-dulur
Mun basana kirang mashur.
#Sajawa_Syairan_Dhee.
Kawit ngucap bismillahi
Puji sukur ka Ilaahi
Gusti Allah Mahasuci
Pamilik langit jeung bumi
Solawat sinareng salam
Ka Nabi Khoirilanam
Jungjunan sadaya alam
Sumber élmu tur pamaham
Duh sukur alhamdulillah
Nandakeun rasa kabingah
Ni'mat Gusti anu èndah
Ngucur mijanten anugrah
Bingah taya Papadana
Masih dina panjang yuswa
Nepangkeun deui kaula
Kana raraga nu mulya
Teu langkung sakedap deui
Tos tepung ka bulan suci
Sasih Romadhon rék dugi
Nu banget dianti-anti
Mapagkeun sasih Romadhon
Mapay ka kalér ka kulon
Ngiparat dosa kaawon
Supados Tiasa jongjon
Lahaola wala kuwwah
Réhna medal dinten munggah
Mugi Gusti nambih rohmah
Supados getol ibadah
Sabab di bulan Puasa
Meujeuhna paloba-loba
Ibadah sinareng taqwa
Pahlana dilipatganda
Sakitu nu kapihatur
Seratan nu dipitutur,
Hapunten ka dulur-dulur
Mun basana kirang mashur.
#Sajawa_Syairan_Dhee.
Jejer:
Pépéling
|
0
koméntar
Yasana: El Waafie El Ainie
Duh angin nu ngahiliwir
Sampaikeun salam sim abdi
Ka anjeunna nu kapikir
Dina siang sareng wengi
Sakapeung mah sok ngahayal
Ngolébat dina lamunan
Naha sim abdi téh bakal
Jeung anjeunna babarengan
Jigana ukur hayalan
Nu tebih kana nyatana
Sabab ningal saréatan
Patebih dina pangkatna
Anjeunna putri kyai
Nu tangtu luhur élmuna
Abdi ukur putra jalmi
Anu kirang pangartina
Sakapeung mah sok ngarumas
Sumerah ka Nu Kawasa
Awak asa jadi hanas
Pami émut ka anjeunna
Da geuning aduh kumaha
Abdi teu gaduh pangarti
Niat hoyong ka anjeunna
Sareat moal ditampi.
#Sajawa_Syairan_Elwaafie.
Duh angin nu ngahiliwir
Sampaikeun salam sim abdi
Ka anjeunna nu kapikir
Dina siang sareng wengi
Sakapeung mah sok ngahayal
Ngolébat dina lamunan
Naha sim abdi téh bakal
Jeung anjeunna babarengan
Jigana ukur hayalan
Nu tebih kana nyatana
Sabab ningal saréatan
Patebih dina pangkatna
Anjeunna putri kyai
Nu tangtu luhur élmuna
Abdi ukur putra jalmi
Anu kirang pangartina
Sakapeung mah sok ngarumas
Sumerah ka Nu Kawasa
Awak asa jadi hanas
Pami émut ka anjeunna
Da geuning aduh kumaha
Abdi teu gaduh pangarti
Niat hoyong ka anjeunna
Sareat moal ditampi.
#Sajawa_Syairan_Elwaafie.
Jejer:
Kayas
|
0
koméntar
Yasana: Ridwan Mubarokh
Duh anjeun meni teu sangka
Sikapna bet janten béda
Apa anjeun atos lupa
Kana jangji nu baheula
Saurna moal berubah
Sanajan jauh kapisah
Geuning buktina mah salah
Jangjina tinggal sajarah
Di mana atuh di mana
Rasa anjeun nu baheula
Di mana atuh di mana
Salira nu sabenerna
Gancang pisan anjeun poho
Lalakon anu baréto
Bukti jangji meni ngaco
Kedalna bet teu diwaro
Janten karasa ku abdi
Waktos ayeuna téh nyeri
Sugan anjeun henteu ngarti
Peurihna téh tuh di sini
Nanging abdi kur tiasa
Pasrah sinareng ngadu'a
Kapeurih rasa ayeuna
Sugan jaga jadi bagja
Upami kitu hoyongna
Sim abdi ukur tiasa
Miharep tangtu ngadu'a
Pamugi salira bagja.
#Sajawa_Syairan_RM.
Duh anjeun meni teu sangka
Sikapna bet janten béda
Apa anjeun atos lupa
Kana jangji nu baheula
Saurna moal berubah
Sanajan jauh kapisah
Geuning buktina mah salah
Jangjina tinggal sajarah
Di mana atuh di mana
Rasa anjeun nu baheula
Di mana atuh di mana
Salira nu sabenerna
Gancang pisan anjeun poho
Lalakon anu baréto
Bukti jangji meni ngaco
Kedalna bet teu diwaro
Janten karasa ku abdi
Waktos ayeuna téh nyeri
Sugan anjeun henteu ngarti
Peurihna téh tuh di sini
Nanging abdi kur tiasa
Pasrah sinareng ngadu'a
Kapeurih rasa ayeuna
Sugan jaga jadi bagja
Upami kitu hoyongna
Sim abdi ukur tiasa
Miharep tangtu ngadu'a
Pamugi salira bagja.
#Sajawa_Syairan_RM.
Jejer:
Kayas
|
0
koméntar
Selasa, 25 Juli 2017
Yasa: Safinatun Naja
Éling-éling dulur kabéh
Ibadah ulah campoléh
Beurang-peuting ulah weléh
Bisina kaburu paéh
Nincak jaman matak waas
Dua rébu tujuh belas
Dunya ku jalma dihias
Gedong sigrong beuki nyacas
Pangaruhna kana tanda
Tanda kiamat ngaranna
Jalma teu sieun ku dosa
Lampah maksiat resepna
Buligir gé henteu paur
Némbongkeun orat ka batur
Di kota pindah ka lembur
Parawan jadi ngalacur
Gedong hotél perkantoran
Paalus-alus wangunan
Banda dijieun hiburan
Zakat mah teu difitrahan
Boga banda loba numpuk
Ladang nipuan padumuk
Najan haram ogé ngeduk
Pokna kuring kari diuk
Teu inget bakal rék maot
Doraka iman pék lésot
Teu budak atawa kolot
Azroil mah tetep nyokot
Karasa ningang di kubur
Hanjakal basa di lembur
Teu ngalobakeun tafakur
Tanggung akibatna genjur
Moal aya nu nulungan
Iwal iman nu sorangan
Matak ulah kajongjonan
Ulah ngawaro ka sétan.
#Sajawa_Syairan_Vina.
Éling-éling dulur kabéh
Ibadah ulah campoléh
Beurang-peuting ulah weléh
Bisina kaburu paéh
Nincak jaman matak waas
Dua rébu tujuh belas
Dunya ku jalma dihias
Gedong sigrong beuki nyacas
Pangaruhna kana tanda
Tanda kiamat ngaranna
Jalma teu sieun ku dosa
Lampah maksiat resepna
Buligir gé henteu paur
Némbongkeun orat ka batur
Di kota pindah ka lembur
Parawan jadi ngalacur
Gedong hotél perkantoran
Paalus-alus wangunan
Banda dijieun hiburan
Zakat mah teu difitrahan
Boga banda loba numpuk
Ladang nipuan padumuk
Najan haram ogé ngeduk
Pokna kuring kari diuk
Teu inget bakal rék maot
Doraka iman pék lésot
Teu budak atawa kolot
Azroil mah tetep nyokot
Karasa ningang di kubur
Hanjakal basa di lembur
Teu ngalobakeun tafakur
Tanggung akibatna genjur
Moal aya nu nulungan
Iwal iman nu sorangan
Matak ulah kajongjonan
Ulah ngawaro ka sétan.
#Sajawa_Syairan_Vina.
Jejer:
Pépéling
|
0
koméntar
Jumat, 21 Juli 2017
Yasana: Arrsyii Imam Ghifarie
Ku solawat dikawitan
Abdi ngadamel syairan
Étang-étang ngahiburan
Sakantenan mépélingan
Pasosoré sing talongkrong
Lohor waktu mah nyangkolong
Ari peuting tudang-todong
Isuk saré kawas kalong
Nalongkrong di hiji warung
Jeung batur bari ngariung
Katingal patinggumulung
Nya kitu ngadon baringung
Ceuk urang mah sing rumasa
Hirup téh puguh teu boga
Lagana kos jalma kaya
Padahal dompétna rata
Jajan gé ménta ka kolot
Méntana sentak polotot
Kadang lamun eukeur angot
Acis kolot kot dicokot
Leuheung lamun boga gawé
Da pokna gawé mah capé
Padahal atuh ngaku wé
Manéh géngsi ku awéwé
Ku pédah gawéna macul
Atanapi kuli panggul
Kapan moal matak bisul
Tamba cicing acisna ngumpul
Kalakuan lalaki mah
Tara sok betah di imah
Komo dititah ka sawah
Némbalanna wararegah
Ari acis hayang aya
Nu ngalanna indung bapa
Jalma téh euweuh kaéra
Ka kolot bet punta-pénta
Istrina gé teu ngartikeun
Ceuk urang mah jarurungkeun
Lalaki pasti nurutkeun
Lamun teu nurut pegatkeun
Ari urang mah sukuran
Muji sukur ka Pangéran
Gawé mah ulah géngsian
Sanajan kuli bangunan
#Sajawa_Syairan_ImamGhifarie.
Ku solawat dikawitan
Abdi ngadamel syairan
Étang-étang ngahiburan
Sakantenan mépélingan
Pasosoré sing talongkrong
Lohor waktu mah nyangkolong
Ari peuting tudang-todong
Isuk saré kawas kalong
Nalongkrong di hiji warung
Jeung batur bari ngariung
Katingal patinggumulung
Nya kitu ngadon baringung
Ceuk urang mah sing rumasa
Hirup téh puguh teu boga
Lagana kos jalma kaya
Padahal dompétna rata
Jajan gé ménta ka kolot
Méntana sentak polotot
Kadang lamun eukeur angot
Acis kolot kot dicokot
Leuheung lamun boga gawé
Da pokna gawé mah capé
Padahal atuh ngaku wé
Manéh géngsi ku awéwé
Ku pédah gawéna macul
Atanapi kuli panggul
Kapan moal matak bisul
Tamba cicing acisna ngumpul
Kalakuan lalaki mah
Tara sok betah di imah
Komo dititah ka sawah
Némbalanna wararegah
Ari acis hayang aya
Nu ngalanna indung bapa
Jalma téh euweuh kaéra
Ka kolot bet punta-pénta
Istrina gé teu ngartikeun
Ceuk urang mah jarurungkeun
Lalaki pasti nurutkeun
Lamun teu nurut pegatkeun
Ari urang mah sukuran
Muji sukur ka Pangéran
Gawé mah ulah géngsian
Sanajan kuli bangunan
#Sajawa_Syairan_ImamGhifarie.
Jejer:
Pépéling
|
0
koméntar
Selasa, 18 Juli 2017
Yasana: Arief Moch Moelya
Nyanding asih dina ati
Condongna ka hiji istri
Nu geulis kawanti-wanti
Soléhah tur pinter ngaji
Hadé rupa alus basa
Marahmay manis rarayna
Ngahudangkeun ieu rasa
Rasa asih nu karasa
Teu bisa dipapalérkeun
Banget hésé dicageurkeun
Rasa anu dirasakeun
Teu tiasa disumputkeun
Rasa asih sareng cinta
Nu karaos dina dada
Condong ukur ka anjeunna
Nu janten panutan rasa
Kalintang pisan bingahna
Lamun bisa jeung anjeunna
Kantenan mun dugi jaga
Ngabinakeun rumahtangga
Éta nu janten harepan
Anu tos janten impian
Dina manah hoyong pisan
Jeung anjeunna babarengan.
#Sajawa_Syairan_AMM.
Nyanding asih dina ati
Condongna ka hiji istri
Nu geulis kawanti-wanti
Soléhah tur pinter ngaji
Hadé rupa alus basa
Marahmay manis rarayna
Ngahudangkeun ieu rasa
Rasa asih nu karasa
Teu bisa dipapalérkeun
Banget hésé dicageurkeun
Rasa anu dirasakeun
Teu tiasa disumputkeun
Rasa asih sareng cinta
Nu karaos dina dada
Condong ukur ka anjeunna
Nu janten panutan rasa
Kalintang pisan bingahna
Lamun bisa jeung anjeunna
Kantenan mun dugi jaga
Ngabinakeun rumahtangga
Éta nu janten harepan
Anu tos janten impian
Dina manah hoyong pisan
Jeung anjeunna babarengan.
#Sajawa_Syairan_AMM.
Jejer:
Kayas
|
0
koméntar
Senin, 17 Juli 2017
Yasana: Amélya Nur Fitri
Munggaran anjeun pujaan
Kiwari mah janten mantan
Sabab anjeun nu mutuskeun
Hubungan rék dibubarkeun
Tapi jujur tina ati
Sim abdi can bisa nampi
Kaputusan ti salira
Megatkeun tali kacinta
Tapi najan teu ngajadi
Urang teu bisa ngahiji
Bayang anu sok ngahadang
Tapak cinta henteu ilang
Masih aya tapak cinta
Nu ngagurat dina rasa
Masih dina jero dada
Tapak cinta ti manéhna
Hésé pisan rék narima
Datang cinta nu lianna
Ku pédah kabayang waé
Anjeunna masih na haté
Kabayang imut rarayna
Kukupingeun na sorana
Ngolébat waé teuteupna
Seurina reujeung baeudna.
#Sajawa_Syairan_ANF.
Munggaran anjeun pujaan
Kiwari mah janten mantan
Sabab anjeun nu mutuskeun
Hubungan rék dibubarkeun
Tapi jujur tina ati
Sim abdi can bisa nampi
Kaputusan ti salira
Megatkeun tali kacinta
Tapi najan teu ngajadi
Urang teu bisa ngahiji
Bayang anu sok ngahadang
Tapak cinta henteu ilang
Masih aya tapak cinta
Nu ngagurat dina rasa
Masih dina jero dada
Tapak cinta ti manéhna
Hésé pisan rék narima
Datang cinta nu lianna
Ku pédah kabayang waé
Anjeunna masih na haté
Kabayang imut rarayna
Kukupingeun na sorana
Ngolébat waé teuteupna
Seurina reujeung baeudna.
#Sajawa_Syairan_ANF.
Jejer:
Kayas
|
0
koméntar
Langganan:
Postingan (Atom)