Saniskara Sastra Sunda
Pedaran dipikareueus
-
Karya: Fahmy Sya'idan Ringkesna ieu nadhoman Carita lampah sorangan Sapanjang jalan ngalaman Pait peuheur kahirupan Bismillah mimiti muj...
-
Karya: Fahmy Sya'idan Dikawitan ku Bismillah Nadhom Sunda muga berkah Munggaran urang palapah Sholawat sugan ijabah Ninggang mangsa nu s...
-
Yasana: Dhee Al'ihsaniyahh Ma'rifatull Aulaa Kawit ngucap bismillahi Puji sukur ka Ilaahi Gusti Allah Mahasuci Pamilik langit j...
Ngeunaan Sim Kuring
Diberdayakan oleh Blogger.
Jumat, 30 September 2022
Karya: Fahmy Sya'idan
Dikawitan ku Bismillah
Nadhom Sunda muga berkah
Munggaran urang palapah
Sholawat sugan ijabah
Ninggang mangsa nu sampurna
Awak mah ngaragap taya
Mana dulur jeung baraya
Nu mangkukna taya béja
Geuning bray mah banget suwung
Ngan ukur boéh asiwung
Tangtungan tuluy kaduhung
Teu ngalaksanakeun untung
Dawuh-Na tara sulaya
Yén hirup mah sementara
Di dunya ngarasa bagja
Akhérat sugan disiksa
Matak ulah kajongjonan
Ulah ngawaro ka sétan
Dunya mah pangumbaraan
Nya pikeun cukang lantaran
Satungtung can meunang puas
Manusa ngalabrak waas
Najan geus diawas-awas
Tapi geuning tara mawas
Hirup lénglé jeung talangké
Akhérat perkara engké
Naha mun geus jadi bangké
Kaduhung siksana gedé
Matak dulur hayu dulur
Pék hirup anjeun sing jujur
Lobakeun anjeun tafakur
Jeung sing bisa anjeun syukur
Sabab dina pangliwatan
Bakal ngajadi lantaran
Kabéh nu geus kaalaman
Jadi pananya Pangéran
Lampah bener tangtu genah
Bagja dina alam barjah
Tapi lamun salah kaprah
Siksaan bakal ijabah
Mun nempo jaman geus asing
Dunya bet téréh tiguling
Tisuksuk nya bakal pangling
Lantaran loba teu éling
Teu inget bakal rék maot
Doraka iman pék lésot
Teu ngora atawa kolot
Izroil mah tetep nyokot
Teu tolih reujeung teu kendat
Teu nyampak harkat martabat
Waktuna datang sakarat
Taya waktu keur sasambat
Matak tong sakaba-kaba
Kabawa ku rupa dunya
Nu nipu raga jeung mata
Nu mawa kana doraka
Ngagugu gaul jeung wadul
Ibadah carang jeung kedul
Leupas nyawa pasti suul
Matak anjeun masing punjul
Tapi lamun urang pengkuh
Kana iman tangtu weruh
Malah ngajadi pituduh
Jeung taya bancang pakéwuh
Mangka hirup masing junun
Getol nyuhun ampun-ampun
Paralun jeung nuhun-nuhun
Ka nu gaduh Kun Fayakun
Kitu nadhom mugi tetep
Panggeuing tur henteu ngantep
Sanajan kecapna teu lengkep
Tapi malah mandar tegep
Jejer:
Atikan
Langganan:
Posting Komentar (Atom)
0 koméntar:
Posting Komentar
Hatur nuhun!