Kumpulan Syairan Sunda

Yasana: Ukhty Sinjang Kayas

Cimata ngeclak teu rasa
Duh Gusti ieu kumaha
Sesah ngabangbalérkeunna
Nalangsa asa karasa

Aduh umi-aduh bapa
Milari landong ka mana
Hirup asa katunggara
Tebih ti umi jeung bapa

Hirup di pangumbaraan
Taya pisan réréncangan
Pikeun ubar panglamunan
Dina unggal kasedihan

Jauh nu janten baraya
Ukur mundut dina du'a
Haleuang tangtu nalangsa
Masrahkeun ka Nu Kawasa

Mugi sim abdi diraksa
Tina sagala cocoba
Nu teu bisa nandanganna
Timundut ka Nu Kawasa

Ya Allah Robul Izzati
Mugi diri henteu lali
Tina sadaya pangarti
Nu kungsi diatik umi

Mung tiasa ngintun du'a
Kanggo umi sareng bapa
Mugi aya pangraksana
Ti Allah Anu Kawasa

#Sajawa_Syairan_USK.