Kumpulan Syairan Sunda

Ku: Mahmud

Teu karaos umur ningan
Hirup enggeus kalakonan
Poé ka Minggu ka bulan
Ka taun geus kaliwatan

Wanci nu ngiclik marengan
Kana jejer kahirupan
Léngkah mangsa nu ngéngklakan
Sagala nu karandapan

Waktu nu mangprung ku napsu
Ngahuru ngalimpud kalbu
Balangah panempo silo
Kana ugeran mah poho

Ari ras umur dirérét
Geuningan wanci samporét
Naha anteng teuteuleuman
Di sagara kanistaan

Kiwari nunggelis diri
Mipir kasisir karisi
Ngalengis merdih ka Gusti
AsihNa nu dipianti

Dosa nu kalintang réa
Abdi neda pangampura
Nyuuh kana pangsujudan
Nyegruk mundut pangampunan

#Sajawa_Syairan_Mahmud.